Spirit Of Islam: Naat Lyrics Collection ( Mehboob Makrani ) - Spirit Of Islam

Jump to content



Icon Important Announcement!

Shaykh Sayyid Zahid Husain Rizwi has replied to our questions:


Page 1 of 1
  • You cannot start a new topic
  • You cannot reply to this topic

Naat Lyrics Collection ( Mehboob Makrani ) All the qalaam written my me. ( Al Hamdo Lillah )

Posted 20 October 2011 - 11:39 AM (#1) User is offline   Mehboob-Makrani 

  • New Moon
  • Pip
  • Group: Members
  • Posts: 11
  • Joined: 06-October 09

Hamd e Baari Ta'ala ( Contains all asma ul husna )


Haq lailaaha illallah, Haq lailaaha illallah



Ya Jal jalali val ikram, Ya Haadi Ya Saboor

Ho nazar e karam bandon pe tere, Ya Qauwi Ya Ghafoor



Tu Mushawwir tu Muttqabbir, Tu Vaali or Muqtadeer

Saara aalam dam se tere, Tu Awwal hai tu Aakhir




Ya Muhaimino Ya Mumeen, Ya Muqseeto Ya Muqeet

Ya Mughnio Ya Mueed, Ya Mujeebo Ya Mumeet



Aye Adl o Vudood Mueez Mushi, Sadqey se tere hai sab ki khushi

Aye Maalik e mulk wo jaam pila, Ta-hashr rahey ye madhoshi



Khabeer o Muqaddim aur Jaleel, Haleem o Mu'aakhir aur Kareem

Aziz o Kabir aur Haq Vakeel, Shahid o Baaiz Majeed Azeem



Ya Qadeer o Ya Hasib, Ya Hakeem o Ya Khafeez

Ya Zahir o Ya Baatin, Ya Vaaris o Ya Hafeez



Annoor Samad Qayyum Ahad, Quddus Ghani Kaabij o Vase'e

Har ism me tu maqbul hai Bar, Ya Hayyo Alii Jaami o Maanii



Razzaq tu hi Qahhar tu hi, Fattah tu hi Jabbar tu hi

Tawwab tu hi Azzar tu hi, Ghamkhwaar mere Ghaffar tu hi



Tu Muta'ali Vaali hai, Tu Baaqi sab faani hai

Vahab o Rauf Rakeeb o Lateef, Tum jaisa na koi saani hai



Raafe o Naafe Ajjv o Hakeem, Baari Shakur o Salaam o Aleem

Bakhshish ke teri hum taalib hain, Aye Muhyee Muzeel Aye Muntaqeem



Tu Raashid hai Maajid hai, Tu Haamid hai Vaajid hai

Hai kaun Samii tumrey jaisa, Beshaq tu hi Vaahid hai



Rehmaan o Rahim hai Tu Baasit, Mubdi o Mateen hai tu Maalik

Baaqi o Basheer Hai tu beshaq, ' Mehboob ' hai adnaa tu Khaliq



Haq lailaaha illallah, Haq lailaaha illallah

Haq lailaaha illallah, Muhammadurr Rasoolallah (s.a.w.)


For MORE .. Please Visit : www.mehboob-makrani.webs.com [/size][/color]



NAAT COLLECTION



# 1 - Mujhe do bheekh ulfat ki madine main chala aaun


Mujhe do bheekh ulfat ki madine main chala aaun

Mere aaqa mera armaan yahi ab tak adhura hai



Teri rehmat ka qatra paane wale tajdaron ki

Teri azmat ka jalwa dekhne wale hazaron ki

Teri midhat bayan karte karodon sukhanwaron ki

Kalam chalti rahi lekin kalaam ab tak adhura hai



Tere roza e aqdas ki tamanna rakhne walon ki

Tere rozey ki jaali chum aayein un khayalon ki

Sabhi sattar hazaron ki sabhi umeed walon ki

Dua chalti rahi lekin dawam ab tak adhura hai



Mere allah tere bande ki khwahish chhut na paye

Tere mehboob ki nagri ki hasrat ruthh na paye

Faqat tab tak meri saanson ki ladiyan toot na paye

Duago hasratein meri muqam ab tak adhura hai



Sabhi kaamon se afzal hai ghulami tere dar ki khoob

Kahe fir kyun mujhe koi adhura hai tera mansoob

Ghulami tere dar ki kaash mil jaye mujhe 'mehboob'

Na keh paye koi tera ghulam ab tak adhura hai



Mujhe do bheekh ulfat ki madine main chala aaun

Mere aaqa mera armaan yahi ab tak adhura hai


# 2 - Sarkar e dono aalam nazar e karam ho jaana


Sarkar e dono aalam nazar e karam ho jaana

Aariz hoon aarzoo hai dar per mujhe bulana



Dar tera chhod kar kyun mein ghairon ke paas jaun

Manzur thokarein bhi galiyon me teri jaana



Meri ik khata pe teri so so ataayein sarvar

Beshaq karam ka tere shaidai hai zamana



Kiye darkhaton ne sajde suraj palat ke aaya

Tukdey huwa qamar fior kudrat pe teri jaana



Turbat me jab andheri rukhsat karein kareebi

Anwaar se fir apne meri kabr jagmagana



Beshaq ho bekashon ke tum dastgeer aaqa

Failaye aata daaman tere dar pe sab zamana



Maidaan e hashr me jab khulne lagey kamai

Ummat ki apni aaqa imdaad ko tum aana



Badhne lagi hai meri din raat tishnagi ye

Saaqi e hauz e kausar meri pyas ko bujhana



Aaqa karam ki tere kar baarishein badon per

Sarshar ishq se hon ' Mehboob ' or zamana

# 3 - Nabi ki naat me padh lun to koi baat nahi


Nabi ki naat me padh lun to koi baat nahi

Wo naat padh ke jo khush hon to koi baat baney



Log duniya me kahein mujh ko yun deewana to kya

Jo kahein wo mujhe deewana koi baat baney



Maine maana meri auqaat nahi hai ke chalun

Ho ishaara chalun taibah to koi baat baney



Main kahun mujh ko ghulamon ka ghulam apna karo

Kahein manzur hai jo wo to koi baat baney



Nahi bujhti hi nahi pyas meri hashrat ki

Wo karein vaada e kausar to koi baat baney



Maut ruk ja do ghari raah me hain mere Nabi

Paoon deedar fir chalun to koi baat baney



Dam e ' Mehboob ' nikal jaye padhtey Naat e Nabi

Kaho aameen tum sabhi to koi baat baney

# 4 - Hum gunahgaaron ka aye rab ke rasool


Hum gunahgaaron ka aye rab ke rasool

Sarey mehshar zara bharam rakhna

Kuch nahi hai sivaye jurm o gunaah

Apni ummat pe tum karam rakhna



Umr saari ganwai khelon me

Nahi sambhley jadey jhamelon me

Ab jo honsh aaya hai to kuch bhi nahi

Paas apne zara sharam rakhna



Sham'aa teri ne sambhala humein

Jab bhi bhatkey andheri raaton me

Vaastaa tujh ko teri rehmat ka

Ye karam hum pe har qadam rakhna



Naik aamal mere paas nahi

Ek naa hai ke tere paas nahi

Khul na jaye vahan ye raaz kahin

Sarey mehshar isey dafan rakhna



Jab chalun duniya se aye mere nabi

Hai dua ho jhuki ye meri jabeen

Or na maila ho qalb ye mera

Paak har daag se kafan rakhna



Tauba karta hai har gunahon se

Tera ' Mehboob ' tera shaidai

Ik nazar ho karam ki shah e umam

Ta-umar mujh pe ye karam rakhna



# 5 - Maksad e aalam e hayaat e nabi


Maksad e aalam e hayaat e nabi

Gar khuda chahta na kya hotey

Wo they pyare, hain, rahengey rab ke

Ummati hum na unke kabhi pyarey hotey



Bijli suraj sitarey chanda nahi

Jugnoo aatish na sham'aa or charag

sadqa e noor ke ye sadqey hain

Na agar hotey nabi to na ye sarey hotey



Ye khalaq khwahishein hi kyun karta

Ye falaq baarishein hi kyun karta

Koi saani hi kis ka kyun hota

Wo jo saaya hi siron pe na hamare hotey



Martabon me wo sab se aala hain

Wo jo mere huzur e vaala hain

Saari duniya jahan sawal karey

Dar jo hota na muqaddas to laaley hotey



Paar us arsh ke rasai teri

Tootey dil hi to hain kamai teri

Hon fida kyun na sab tere aye habeeb

Tum se hai apna vajood or kahan ke hotey



Mominon khoob padho un pe darood

Or bhejo salaam un pe ke wo

Jo humein hashr me jeelayengey

Saamne rab ke wo rotey rotey



Rehmat e do jahan ho tum aaqa

Kyun na ho naazan qismat e ' Mehboob '

Tere tukdon pe paley hain ab tak

Gar na hotey to kahan pair pasare hotey



# 6 - Kya bayaan azmatein hon teri shaha


Kya bayaan azmatein hon teri shaha

Har dukhi dil ka tu sahara hai

Rehmatallil aalameen laqab tera

Saara aalam tera utaara hai



Deen e millat ho or zeenat e khalq

Raunak e falq ho or arsh e nasheen

Makhlookein saari dono aalam ki

Or Allah ka tu pyara hai



Ism to khoon they gumaan me magar

Ek yahi ism hi pasand aaya
Mere Allah ko is ism ke sang

Ik niktaa bhi nagawara hai



Tum jo chaho bulao dar pe jisey

Paye deedar koi khwabon me

Teri ulfat ke hain mareez sabhi

Har koi dil se tum pe haara hai



Aarzoo waqt e naj'aa hai ' Mehboob '

Tera deedar e husn hasil ho

Kalmaa padhtey huwey ye dam nikley

Or kaho tum ke tu hamara hai

# 7 - Ho karam sadqey me is raat ke aye rabb e azeem


Ho karam sadqey me is raat ke aye rabb e azeem

Aaj ki raat hai meelad kamli waley ki

Bhool jaoon aye khuda duniya ki main aab o hawa

Kuch na ho yaad siva yaad kamli waley ki



Sab ko maloom hai barsata hai tu abr e karam

Ke karam ki tere mohtaj sari duniya hei

Usi duniya me huwey paida tere aaj nabi

Sadqey aamad ke ho barsat kamli wale ki



Ye mere dil me jo thodi si hubb e duniya hai

Dur kar de isey ye aarzoo e dil hai meri

Ishq e ahmad meri basti e dil me bas jaye

Dil me basti rahe aabad kamli waley ki



Har shab o roz ye khairaat chahta hoon me haq

Ke dar e mustafa pe haazri ho meri kabhi

Ho safar bheekh me ataa mujhe madiney ka

Wo jahan bant-ti hai khairat kamli waley ki



Wo hi mehshar me khade ho ke ru ba ru e khuda

Bakhshwaengey ummati ke sabhi jurm o gunah

Un ko maloom hai sunta hai kareem un ki araj

Rab nahi taalta hai baat kamli waley ki



Ek yahi khwahish e ' Mehboob ' hai aye rabb e kareem

Bas inaayat ho mujhe deed tere dilbar ki

Ta-hashar ban ke firun aashiq e mehboob e khuda

Or manata rahun meelad kamli waley ki

# 8 - Karam hai rab ka hamara naseeb aala hai


Karam hai rab ka hamara naseeb aala hai

Ke do jahan me hamara wo kamli wala hai



Jin ke tufail se shams o qamar hain aaj ajal

Wo hi noor e khuda hain or wo noor wala hai



Hain wo shan e khuda or shan e do aalam aaqa

Kaun aaya hai un sa kaun aane wala hai



Wo jo pahunchey talab pe haq ki la-makaan pe shaha

To kaul e haq huwa ke parda uthhne wala hai



Wo muqaddar hain hamara sar e mehshar hain yakeen

Vahan naseeb unhi se badalney wala hai



Kyun na chahey tumhe badh kar dil o jaan se ' Mehboob '

Tere karam ne mujhe har jagah sambhala hai





# 9 - Wo jo haunsley they thakey thakey


Wo jo haunsley they thakey thakey

Wo shabab ban ke machal gaye

Suna jab se un ki rasai hai

Mehshar me din ye badal gaye



Jo girey they un ko uthha gaye

Jo they rotey un ko hansa gaye

Chali rehmatein sang har qadam

Wo jahan gaye wo jidhar gaye



They bujhe bujhe se naseeb or

Na dilon me thi kabhi roshni

Jo uthi jamal e nazar teri

To bujhe charag bhi jal gaye



Fansa jab safeena bhanwar kabhi

To pukaarney ki thi dair bas

Kaha al madad mushkil kusha

They fansey bhanwar se nikal gaye



Bulwaya haq ne meraaj e arsh

Badhi jab talab teri deed ki

Karun kya main ke teri deed ho

Yahi soch sham o shahar gaye



Suntey hain apno ki ghairon ki

' Mehboob ' naaz nabi pe hai

Qurbaan tum pe hon kyun na hum

Gham raahaton me jo dhal gaye


# 10 - Aye naseeb mere naseeb tu


Aye naseeb mere naseeb tu, Zara sabr rakh zara sabr kar

Wo bulayengey humein ek din, Jo nasheen hain arshon ke arsh per



Ke wo jaantey hain dilon ko bhi, Or jaante hain dilon ki bhi

Ke wo dilnasheen hain dilon ke bhi, Zara or dil se tu arz kar



Tu mariz e ishq e rasool hai, Or jah e naseeb ye marz hai

Wo tabeeb e aalam e marz hain, Kyun sisak raha hai tu marz per



Jo asar karey arshon ke paar, Tu suna kuch aisi kamal e tarz

Ja sisak tu fir usi tarz pe, Ke wo aayengey teri tarz per



Jo bhara hai daaman gunahon se, To kar tauba or ye aqeeda rakh

Dikha fir nadaamatein sajdey me, Wo jeelayengey tujhe hashr per



Yahi hasrat e ' Mehboob ' hai, Wo bulayein farsh e madina or

Karun aankhein apni me band udhar, So jaun fir usi farsh per



# 11 - Wo charag e deen e muhammadi


Wo charag e deen e muhammadi

Jis se duniya me ujaala hai

Roshan jis ke dam se dil hain

wo mera kamli wala hai



Ummat ke liye har dukh ko saha

Or sabr kiya har mushkil me

Qurbaan nabi ji tum per hum

Teri rehmat hum per aala hai



Teri deed ki pyasi hai ummat

Aye rab ke habeeb aye parda nasheen

Teri deed ka hum ko pila sharbat

Wo hi sharbat sab se nirala hai



Sab taalib hain bakhshish e khuda

Or teri rasaai jaante hain

Is aalam me us aalam me

Tumra hi to bol - baala hai



Har ne'amat ka maalik Allah

Wohi paalta hai Beshaq lekin

Hum sadqey me jis ke palte hain

Wo mera kamli wala hai



' Mehboob ' fida ho kyun na tere

Aye noor e khuda mushkeel kusha

Jab jab bhi pukara mushkeel me

Rehmat ne tumhari sambhala hai


For more . Please Visit - www.mehboob-makrani.webs.com


Shan e Garib Nawaz


Tere qurbaan nabi nazar e karam hum pe huyi


Tere qurbaa nabi nazrey karam hum pe huyi

Tum ne bheja khiza e hind me ek taaza gulaab

Un ki khushboo ne dilon ko bana diya gulshan

Aaj har dil unhe kehta hai ya Gharib Nawaz



Wo na aatey jo kabhi hukm e nabi na hota

Wo na aatey na kabhi hind me ye deen hota

Wo na aatey to zara socho hum kahan hotey

Tere qurbaan Nabi or tere Gharib Nawaz



Huwa jab hukm e Nabi chal diye ghar se Sanjar

Hum bhatakton ko raah Haq ki dikhane ke liye

Tere qurbaan mueen tum ne nibhaya vaada

Tere mashkur or mamnoon hum Gharib Nawaz



Har shab o roz bhatakte hi bhatakte rehtey

Wo na batlatey agar raah e khuda hum ko kabhi

Dar e gaffar dar e ghaus dar e khair ul anaam

Jo na dikhlaatey kahan jaatey hun Gharib Nawaz



Yun to they alf shahar chahtey chaley jaatey

Haan magar qismat e ajmer me likhey they mueen

Shahar e ajmeri ki galiyon se yahi aaye sadaa

Ho gaya hum pe karam tera ya Gharib Nawaz



Huwey roshan wo ain tere dholey gumbad se

Or jaypaal karam se bana bayabaani

Or hain laakhon karodon karam tere sab per

Jo bayan lafzon me kaise karun Gharib Nawaz



Kis tarha jalwey tere rozey ke bayaan karun

Ke jhalak roza e aqdas ki nazar aati hai

Char-soo noor tere dar pe dar e ahmed sa

Koi kucha nahi khali tera Gharib Nawaz



Tere langar ki karamaat kya kahey ' Mehboob '

Wo to shahon ka gadaaon ka khazana thehra

Lakhon paltey hain merey jaise tere tukdon se

Or karodon ki tum ho aas Ya Gharib Nawaz



SALAAM ( Vilaadat e Rasool S.A.W. )


Rab ke habeeb rab ke dulaarey salaam ho



Rab ke habeeb rab ke dulaarey salaam ho

Aamad ke teri sadqey hamara salaam ho



Rehmat ki baarishein huyin paidaa huwey nabi

Baadal ko rehmaton ke hamara salaam ho



Khushiyon ke shaadiyaaney kahin dhoom machi thi

Teri meelad ko dil o jaana salaam ho



Sajdaa kiya zameen pe to woh paaq ho gayi

Wallah zabeen ko teri hamara salaam ho



Awwal karam woh untni raftaar pa gayi

Aye untni sawari ko teri salaam ho



Gaudi me teri kheley tera bhaag jagaya

Qismat ko teri daai haleema salaam ho



Jhula jhulaya woh jo they jeebril e ameen aur

Jeeshaan lauriyon pe tumhari salaam ho



Sharmaa hi jaate deed jo paatey shams o qamar

Chehrey ko tere takti nazar ko salaam ho



Kitney naseeb tez tey un ke kareeb they

Siddique Umar Usmaan o Ali per salaam ho



Abdullah ke lakht e jigar tum per durood hon

Aur Aameena bibi ke dularey salaam ho



Rab ne banaya aalam e rehmat tumhe shaha

Aye Rehmat al-lil aalameen tum per salaam ho



Rakhna bharam " Mehboob " ka waqt e naj'aa shaha

Kar lun zabeen ko neechi ba'adab salaam ho


For More . Please Visit : www.mehboob-makrani.webs.com
Us naaz(s.a.w.) ke sadqey sab, us naaz(s.a.w.) pe sab sadqey
Us naaz(s.a.w.) pe naaz mujhe, us naaz(s.a.w.) se naaz mera
0

Share this topic:


Page 1 of 1
  • You cannot start a new topic
  • You cannot reply to this topic

1 User(s) are reading this topic
0 members, 1 guests, 0 anonymous users


Enter your sign in name and password


Sign in options
  Or sign in with these services