Spirit Of Islam: ((( New Debate June 14 Between Sab Yaar & Char Yaar ))) - Spirit Of Islam

Jump to content



Icon Important Announcement!

Shaykh Sayyid Zahid Husain Rizwi has replied to our questions:


Page 1 of 1
  • You cannot start a new topic
  • You cannot reply to this topic

((( New Debate June 14 Between Sab Yaar & Char Yaar ))) This is VIRTUAL DEBATE between SAB YAAR and CHAR YAAR

Posted 14 June 2011 - 01:40 PM (#1) User is offline   shayanali 

  • New Moon
  • Pip
  • Group: Validating
  • Posts: 13
  • Joined: 05-March 04

This is Virtual Debate between SAB YAAR & CHAR YAAR and this is inspired by MUNAZARA between Pir Abdul Qadir Jilani and Mufti Abid jalali. The Words and Logics are inspired but not Copied from the original Munazara !!!!

VIRTUAL DEBATE:

SAB YAAR: Naara Tahqeeq kay jawab may sab ko HAQ kaho

CHAR YAAR: Chaar ko kehna chahiyee

SAB YAAR: Jab sab ko Haq keh diyaa to Char bhi to beech may hi agye hain

CHAR YAAR: Char kehnay say un char ki Afzaliet sabit ho jaye gi.

SAB YAAR: Kya ye Masla Afzaliet ka hai yaa HAQ honay ka hai? Agar Afzaliet ka hota to phir Naara or us ka jawab khuch or banta

CHAR YAAR: To phir sirf Naara-e-Haideri kiun lagatay ho? Haidari may kiun Takhsees kartay ho? Jawab do? Ab kyaa daleel lao ge? Phass gye na !!

SAB YAAR: kiun bacho wali batein kartay ho. Naara-e-Haidari NABI AKRAM (SAW) nay khud lagaya hai or unhe behtreen ILM hai Takhsees karnay ka ya nahi karnay ka. Doosri baat Ye Naara sirf Hazrat ALI (R.Z) kay baray may hai to jawab bhi sirf unhi kay naam ka ho ga. Magar jab Naara-e-tahqeeq kaho ge to phir Naaray ka mozoo JAMEYAA hai to jawab bhi JAMEYA hona chahiyee. Nara-e-Haidari may lafz haidari istemal howa hai to jawab YA ALI (R.A) hi hoga magar jab sirf lafz TAHQEEQ ayee ga to seedhi si baat hai SAB kay HAQ honay ko manna pare ga. Ye jo Urdu zuban may aaj kal kay dor may naya naara tahqeeq hai hame is kay jawab char yaar par eitraaz hai.

CHAR YAAR: yaaani aap ko Char Yaar kay yaar hone par eitraaz hai. ASTAGHFAR ... ufff kaisi baat keh di aap nay.

SAB YAAR: phir wohi lafzo kay zoo maani kay hair pher say ulteee batein kartay ho ... kya may nay ye kaha kay un chaaro kay yaar hone par eitraaz hai?? may nay to ye kaha hai kay CHAR to yaar hain beshak magar in char kay yaar hone kay elaan may baaqiyoo ko bhi shamil kar lo. Ab batao kyaa baaqi yaar nahi???

CHAR YAAR: Hum bhi mantay hain baaqi yaar hain.

SAB YAAR: to phir is ka elaan kiun nahi kartay?

CHAR YAAR: kiunkay char ko afzal qarar dena hai?

SAB YAAR: kis haissieet say afzal qarar dena hai?

CHAR YAAR: Khulfaa ki haisseit say or sardaar hone ki haissiet say.

SAB YAAR: to phir HAQ PANJ YAAR kiun nahi kehtay Hazrat IMAM HASAN (R.A) ko kiun nahi shamil kartay?

CHAR YAAR: abi aap keh rahay ho kay sab yaar kaho or abi keh rahay ho panj yaar kaho. aap ki to apni bato may tazaad hai.

SAB YAAR: phir wohi Logic ka ulta istemal karna or lafzo ko her pher karna. may nay ye kaha hai?? may nay kaha hai AGAR... phir suno ye lafz hai AGAR ... yani AGAR tum khilafat ki nazar say kehtay to phir panj kaho. Or agar HAQ hone ki nazar say kehtay ho SAB kaho.

Baat suno bhaeee !!!!

SHOR MACHANAY say koi faida nahi. O baat to sun lo !!!

ab suno meri baat ghor say ((( Agar tum afzaliet ki nazar say kehtay to naara-e-tahqeeq is naaray ka naam na hota balqay naara-e-afzaliet hota OR agar tumhari muraad khilafat hoti to is naaray ka naam Naar-e-khilafat waghera hota. Magar jab NAARA-e-TAHQEEQ aayee ga to phir sab SAHAB (R.A) ko HAQ manna pare ga.

CHAR YAAR: Baato ko uljhanay say baat nahi banay gi. Batao kay Naar-e-Risalat kay jawab may sirf YA RASOOLALLAH (SAW) kiun lagatay ho? Kyaaa saray Rasooolo (A.S) ko nahi maantay?

SAB YAAR: bilqul maantay hain. Magar sirf NABI AKRAM (SAW) ko apna RASOOL maantay hain is liyeee jawab may YA RASOOLALLAH (SAW) kehtay hain. Baaqio ko BarHaq Rasoool mantay hain or NABI AKRAM (SAW) ko barhaq AKHRI rasoool or un ki risalaat or un ki shareeat par chalnay ki nazar say jawab may sirf YAA RASOOLALLAH (SAW) kehtay hain. agar tum baaqi RASOOLO (A.S) ki shareiat par bhi chalna chahtay ho jo mansookh ho chukki hain to NAARA-E-RISALAT kay jawab may sab ka naara lagao.

CHAR YAAR: ab aap mozooo say hat kar baat kar rahay hain. Kyaa ye mozooo hai???

SAB YAAR: Wah pehlay khud sawal kartay ho phir zimini sawal kar kay jab batein tafseel say bayan karein to kehtay ho kay mozoo say hat gye hain. Tum khud kiun mozoo say hat kar sawal kartay ho?

CHAR YAAR: baharhaal hum to char ko hi yaar manay ge Afzal or sardar hone ki nazar say.

SAB YAAR: bilqul mano magar NAARA-E-TAHQEEQ kay jawab may yee elaan na karo. is maqsad ke liyee naara khuch or banta hai. Jab HAQQANIAAT ka elaan karna hai to SAB kaho jab AFZALIET ya KHILAFAT ki nazar say naara lagana hai to naara-e-tahqeeq kay ilfaaz ki bajayee Naara-e-afzaliet ya khilafat kay ilfaaz ho saktay hain. may ye nahi keh raha kay ab is qisam kay naye naaray takhleeq karo. may sirf MANTAQEEE ANJAAM wazeyaa kar raha hoon.

CHAR YAAR: Aaap ki mantaqi chaalo say hame koi dar nahi. ab mujhay batein kay Panj tan Paak kiun kehtay ho?? is may kiun takhsees kartay ho? Ab istemal karo apni Mantaq !!!!

SAB YAAR: abi batata hoon... sabar to karo.... Shor kiun macha rahay ho??? jawab to suno !!! Baaat ye hai Panj Tan Pak koi Naara nahi hai pehli baat. Or doosri baat Ye Aayet-e-tatheer say sabit hai.

CHAR YAAR: Apni bari sari cheeze sabit kar dete ho or meri baari mere dalaeel nahi suntay QURAN-O-HADITH ki roshni may.

SAB YAAR: to shor karnay say aap ko fursat milay to aap bhi dalaeel den. kis nay roka hai?

CHAR YAAR: baharhaal may to CHAR YAAR par hi qayeem rahoon ga.

SAB YAAR: to bas may SAB YAAR par hi Qayeem rahoon ga.


Written by Shayan Ali.
ShaYan Ali
0

Posted 14 June 2011 - 02:21 PM (#2) User is offline   shaheensa 

  • Waxing Crescent
  • PipPip
  • View blog
  • Group: Members
  • Posts: 209
  • Joined: 08-June 05

Very nice: You have summed up the objectivity of the debate. For any reader it is clear that who won. Debate are not won by charb zabai (sharp tpounge), they are one by the weight of the argument and it is clear who had the arguments and who lacked it. Those who are stubborn and misguided will remain so even when stone start speaking and telling them the right path but they will continue on their evil ways.May Allah guide us all and get united.


Shahid A. Shaheen
0

Share this topic:


Page 1 of 1
  • You cannot start a new topic
  • You cannot reply to this topic

1 User(s) are reading this topic
0 members, 1 guests, 0 anonymous users


Enter your sign in name and password


Sign in options
  Or sign in with these services