Spirit Of Islam: Naat e Rasool Maqbool (S.A.W) - Spirit Of Islam

Jump to content



Icon Important Announcement!

Like us on facebook!


  • 5 Pages +
  • 1
  • 2
  • 3
  • Last »
  • You cannot start a new topic
  • You cannot reply to this topic

Naat e Rasool Maqbool (S.A.W) Roman Urdu

Posted 29 March 2008 - 04:52 AM (#1) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

AAQA KA MILAD AAYA

Kalaam = Obaid Raza (Owais Raza Qadri)
Sana Khuwaan = Owais Raza Qadri

Ya RasoolAllah Ya HabibAllah
Salla Alaika Ya RasoolAllah 
Wassallam Alaika Ya HabibAllah
Ahlaon Wa Sahlan Marhaba Ya RasoolAllah

Charoon Taraf Noor Chahya Aaqa Ka Milad Aaya
Khushiyon Ka Pegham Laya Aaqa Ka Milad Aaya

Shams-O-Qamar Aur Taaray Kyun Na Ho Khush Aaj Saaray
Unse Hee Tou Noor Paaya Aaqa Ka Milad Aaya

Khushiyan Manatay Hain Wohi Dhoomein Machatay Hain Wohi
Jinn Per Hua Unka Saaya Aaqa Ka Milad Aaya

Hai Shaad Har Ek Musalmaan Karta Hai Ghar Ghar Charaghaan
Galiyun Ko Bhi Jagmagaya Aaqa Ka Milad Aaya

Mukhtar-e-Kul Maanay Jou Unhe Noori Bashar Jaanay Jou Unhe
Na'ara Ussi Ne Lagaya Aaqa Ka Milad Aaya

Jou Aaj Mehfil Mein Aaye Mun Ki Muradein Woh Paaye
Sab Par Karam Ho Khudaya Aaqa Ka Milad Aaya

Ghous Ul Wara Aur Data Ne Mere Raza Aur Khuwaja Ne
Sab Ne Hee Din Ye Manaya Aaqa Ka Milad Aaya

Na'at-e-Nabi Tum Sunao Ishq-e-Nabi Ko Barhao
Hum Ko Raza Ne Sikhaya Aaqa Ka Milad Aaya

Jiss Ko Shajar Jaantay Hain Kehna Hajar Maantay Hain
Aisa Nabi Hum Ne Paaya Aaqa Ka Milad Aaya

Dil Jagmaganay Lagay Hain Sab Muskaranay Lagay Hain
Ik Kaif Sa Aaj Chahya Aaqa Ka Milad Aaya

Kar Ae Ubaid Unki Midhat Tujh Per Khuda Ki Ho Rehmat
Tu Ne Muqqadar Ye Paaya Aaqa Ka Milad Aaya





0

Posted 29 March 2008 - 04:54 AM (#2) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Aaye Aaqa Madani Aaqa

Aaye Aaqa Madani Aaqa Mere Pyaare Pyaare Aaqa
Allah Allah Allah Allah Allah Allah
Aaye Aaqa Madani Aaqa

Aamina Bibi Ke Gulshan Mein Aayi Hai Taaza Bahaar
Parhte Hain Sallalaho Wassalam Aaj Dar-O-Deewar
Madani Allah Allah Allah Allah

Baara Rabi Ul Awwal Ko Woh Aaya Rasool-e-Kareem
Mahe-e-Nabuwat Mehr-e-Risalat Sahib-e-Khulq-e-Azeem
Madani Allah Allah Allah Allah

Pyaari Surat Hansta Chehra Moo Se Jhartay Phool
Noor Saraapa Chaand Sa Chehra Haq Ka Pyaara Rasool
Madani Allah Allah Allah Allah

Jibreel Aaye Jhoola Jhulanay Lori De Zeeshan
So Jaa So Jaa Rehmat-e-Alam Do Jug Ke Sultan
Madani Allah Allah Allah Allah

Awwal-O-Aakhir Sab Kuch Jaanay Deekhay Ba'eed-O-Qareeb
Ghaib Ki Khabrein Dene Waala Allah Ka Woh Habeeb
Madani Allah Allah Allah Allah

Hamid-O-Mehmood Aur Muhammad (Peace & Blessings Be Upon Him) Do Jug Ka Sardaar
Jaan Se Pyaara Raaj Dulaara Rehmat Ke Sarkar
Madani Allah Allah Allah Allah

Aaye Aaqa Madani Aaqa Mere Pyaare Pyaare Aaqa
Allah Allah Allah Allah Allah Allah
Aaye Aaqa Madani Aaqa

0

Posted 29 March 2008 - 04:56 AM (#3) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Aaye Shah-e-Konain Aaye

Kalaam = Adeeb Raye Puri
Sana Khuwaan = Muhammad Ali Soharwardi

Aaye Shah-e-Konain Aaye
Phel Gaye Rehmat Ke Saaye
Aaye Shah-e-Konain Aaye
Aaye Shah-e-Konain Aaye

Bhejo Durood-O-Salaam Ke Tuhfay
Naghma-e-Naat-e-Rasool Sunao
Arsh-e-Bareen Se Farsh-e-Zameen Tak
Khushboo Bun Kar Aaye
Aaye Shah-e-Konain Aaye

Sootay Bhaag Jaganay Aaye
Bigray Kaam Bananay Aaye
Hum Se Gunaahgaaron Ko Apnay
Daaman Mein Chupanay Aaye
Aaye Shah-e-Konain Aaye

Har Behtar Se Behtar Woh Hai
Rounaq-e-Masjid-O-Mimber Woh Hai
Mehshar Mein Ummat Ke Liye Jou
Wa'ada-e-Bakhshish Laye
Aaye Shah-e-Konain Aaye

Dil Mein Adeeb Ke Dhoom Machi Hai
Jashn-e-Nabi Ki Bazm Saji Hai
Aankh Zuban Aur Dil Ki Dharkan
Naat-e-Rasool Sunaye
Aaye Shah-e-Konain Aaye

0

Posted 29 March 2008 - 04:58 AM (#4) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Ab Meri Nigahon Mein Jachta Nahi Koi

Kalaam = Khalid Mehmood Khalid

Ab Meri Nigahon Mein Jachta Nahi Koi
Jaisay Meray Sarkaar Hain Waisa Nahi Koi

Tumsa Tou Haseen Aankh Ne Dekha Nahi Koi
Ye Shaan-e-Latafat Hai Ke Saaya Nahi Koi

Ye Toor Say Kehti Hai Abhi Tak Shab-e-Mairaj
Sarkaar Ka Jalwa Hai Tamaasha Nahi Koi

Hota Hai Jaha Zikr Muhammad(SalAllaho Alaih-e-Wa Sallam) Kay Karam Ka
Uss Bazm Mein Mehroom Tamanna Nahi Koi

Aizaaz Ye Haasil Hai Tou Haasil Hai Zamee Ko
Aflaak Pe Tou Gumbad-e-Khizra Nahi Koi

Sarkar Ki Rehmat Ne Magar Khoob Nawaza
Ye Sach Hai Ke Khalid Sa Nikamma Nahi Koi

0

Posted 29 March 2008 - 05:00 AM (#5) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Ae Shehenshah-e-Madina

Kalaam = Jameel Qadri

Ae Shehenshah-e-Madina Assalat-O-Wasalaam
Zeenat-e-Arsh-e-Mu'ala Assalat-O-Wasalaam

Buutt Shikan Aaya Ye Keh Kar Sar Kay Bal Butt Girr Parray
Jhoom Ka Kehta Tha Ka'aba Assalat-O-Wasalaam

Rab-e-Hubli Ummati Kehte Huay Peyda Huay
Rab Ne Farmaya Ke Bakhsha Assalat-O-Wasalaam

Ghunchay Chunkay Phool Mehke Chehchahayein Bulbulein
Gul Khila Baagh-e-Uhud Ka Assalat-O-Wasalaam

Mein Woh Sunni Hoon Jameel-e-Qadri Marnay Ke Baad
Mera Laash Bhi Kahay Ga Assalat-O-Wasalaam

0

Posted 29 March 2008 - 05:08 AM (#6) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

ALLAH MERA DEHER MEIN A'ALA MAQAAM HO

Kalaam = Nisar Ali Ujaagar
Sana Khuwaan = Syed Furqan Qadri

Allah Mera Deher Mein A'ala Maqaam Ho
Sarkaar Ke Ghulamon Mein Mera Bhi Naam Ho

Marnay Say Pehlay Dekh Loon Subh-e-Dayaar-e-Paak
Sarkaar Haazri Ka Koi Intizaam Ho

Saansein Mehekti Hoon Dam-e-Aakhir Gulab See
Dard-e-Zubaan Huzoor-e-Garaami Ka Naam Ho

Jiss Waqt Meri Rooh Jasad Chornay Lagay
Aankhoon Ke Saamnay Mere Mah-e-Tamaam Ho

Iss Masht-e-Khaak Ki Hoon Sabhi Hasratein Tamaam
Mehboob Ki Gali Mein Jou Qissa Tamaam Ho

Nas Nas Mein Nashaa Aisa Samaa Jaye Naat Ka
Sarkaar Lab Pe Naat Mere Subh-O-Shaam Ho

Seraab Tahayaat Hoon Sab Tashangaan-e-Ishq
Khudaam-e-Mustafa Mein Ujaagar Kalaam Ho

0

Posted 29 March 2008 - 05:12 AM (#7) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

ARSH KA DULHA AAYA HAI

Kalaam = Nisar Ali Ujaagar
Sana Khuwaan = Muhammad Ali Soharwardi

A'alam Mein Baraat Rachi Hai
Arsh Ka Dulha Aaya Hai
Jugmug Jugmug Duniya Saji Hai
Arsh Ka Dulha Aaya Hai

Arsh Se Utra Noor Khuda Ka
Noor Badamaan Saari Duniya
Inki Zia Se Ye Chamki Hai
Arsh Ka Dulha Aaya Hai

Kufur Ki Boo Kafoor Hui Hai
Shah-e-Dinaa Ki Aamad Se
Khushboo-e-Iman Pehli Hai
Arsh Ka Dulha Aaya Hai

Khushiyon Ke Fuwaaray Ublay
Kaysi Masti Chayi Hai
Ghar Ghar Mein Shaadi Utri Hai
Arsh Ka Dulha Aaya Hai

Nikhre Nikhre Gulshan Saaray
Rung Ajab Hain Phoolon Ke
Daali Daali Youn Mehki Hai
Arsh Ka Dulha Aaya Hai

Hoor-O-Ghilmaan Saaray Malaik
Jinn-O-Insaan Taab'ay Hain
Donoo A'alam Par Shahi Hai
Arsh Ka Dulha Aaya Hai

Farsh Pe Chamka Arsh Ka Taara
Amina Bi Ke Ghar Utra
Do A'alam Mein Dhoom Machi Hai
Arsh Ka Dulha Aaya Hai

Ma'iraj Ki Manzil Pe Ujaagar
Tanha Fayiz Sarwar Hain
Baraati Har Aik Nabi Hai
Arsh Ka Dulha Aaya Hai

0

Posted 29 March 2008 - 05:24 AM (#8) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Arz-O-Sama Banay Hain

Kalaam = Fidaa Khaaldi
Sana Khuwaan = Muhammad Owais Qadri

Arz-O-Sama Banay Hain Issi Noor Ke Tufail
Taaray Chamak Rahay Hain Issi Noor Ke Tufail
Gulshan Haray Bharay Hain Issi Noor Ke Tufail
Dono Jahan Sajay Hain Issi Noor Ke Tufail
Iss Noor Ka Azal Se Abad Tak Hai Silsila
Ye Noor Who Hai Jiss Ka Taraf Daar Hai Khuda

Aaya Hai Rah-e-Raast Dikhanay Ke Waastay
Bando Ko Unke Rab Se Milanay Ke Waastay
Bunyaad But Kadoon Ki Giraanay Ke Waastay
Rasm-O-Riwaaj Kufr Mitaanay Ke Waastay
Insaan Ko Bandagi Ka Saleeqa Sikhaye Ga
Ye Noor Zulmatoon Ko Ujaalay Banaye Ga

Guftaar Lajawaab Hai Kirdaar Bay Nazeer
Haami Sitam Zadoon Ka Yateemon Ka Dastageer
Halqa Bagosh Iske Hain Kya Shah Kya Faqeer
Insaan Reh Sakay Ga Na Insaan Ka Aseer
Bhooka Rahe Ga Khud Who Jahan Ko Khilaye Ga
Woh Apnay Dushmano Ko Galay Se Lagaye Ga

Peghaam-e-Haq Ye Saaray Jahan Ko Sunaye Ga
Keena Zadoon Ko Rushk-e-Gulistan Banaye Ga
Har Gaam Rehmaton Ke Khazanay Lutaye Ga
Insaan Ko Ye Dars-e-Akhuwat Sikhayega
Dega Kuch Iss Adaa Se Peghaam-e-Dosti
Zehno Se Door Kardega Sadiyon Ki Dushmani

Yeh Sahib-e-Jamal Hai Ye Sahib-e-Kamal
Khush Dil Hai Khush Pasand Khush Khulq Khush Khisaal
Khalaaq-e-Dou Jahan Ki Hai Takhleeq-e-Bay Misaal
Mumkin Nahin Hai Isko Kissi Dor Mein Zawaal
Roshn Karega Rushdo Hidayat Ke Woh Diye
Bun Jayeingay Sabaq Jou Har Dor Ke Liye

Beshak Yehi Hai Bayiss-e-Takhleeq-e-Kainaat
Chamkay Ga Iske Husn Se Har Gosha-e-Hayaat
Rasikh Hai Iska Qol Tou Sachi Hai Har Ik Baat
Dil Mein Hai Iske Rehem Nazar Mein Iltifaat
Iske Karam Ki Hadh Hai Na Koi Hisaab Hai
Jiss Par Nigaah Daal De Woh Aftaab Hai

Aaya Hai Muflison Ki Himayat Liye Huay
Mazloom-O-Bekasoon Ki Mohabbat Liye Huay
Ahl-e-Gunaah Ke Haq Mein Shifa'at Liye Huay
Saaray Jahan Ke Liye Rehmat Liye Huay
Hoga Iski Zaat Par Qur'an Ka Nuzool
Woh Aakhri Kitaab Hai Ye Aakhri Rasool

0

Posted 29 March 2008 - 05:27 AM (#9) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

BAARWEIN KA CHAAND AAYA

Kalaam = Nisar Ali Ujagar
Sana Khuwaan = Ghulam Mustafa Qadri

Bacha Bacha Muskuraya Baarwein Ka Chaand Aaya
Khushiyun Ka Tufaan Laya Baarwein Ka Chaand Aaya

Shaadmani Ke Taranay Goonjtay Hain Deher Mein
Wajd Mein Har Shakhs Aaya Baarwein Ka Chaand Aaya

Roshni Hee Roshni Hai Chandni Hee Chandni
Zarra Zarra Jagmagaya Baarwein Ka Chaand Aaya

Ho Gaye Hain Bund Saaray Zulmaton Ke Baab Aaj
Deher Mein Woh Noor Aaya Baarwein Ka Chaand Aaya

Khil Uthein Kaliyan Muhabbat Ki Gulon Par Hai Nikhaar
Baagh-e-Ulfat Lehlahaya Baarwein Ka Chaand Aaya

Saaz-e-Jaan Per Baj Raha Hai Aik Naghma Baar Baar
Aamina Ka Laal Aaya Baarwein Ka Chaand Aaya

Shukar Karte Hee Raho Rub Ka Ujaagar Subho Shaam
Rub Ka Kaisa Fazal Paaya Baarwein Ka Chaand Aaya

0

Posted 29 March 2008 - 05:47 AM (#10) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Balaghal Ula Bekamalayhi

Kalaam = Sheikh Sa'adi/Alahazrat

Balaghal Ula Baykamalayhi Kashafadduja Bayjamaalayhi
Hasunat Jame'eo Khisualayhi Sallu Alaih-e-Wa Aalayhi

Woh Kamaal-e-Husn-e-Huzoor Hai Ke Gumaan-e-Naks Jaha Nahi
Yehi Phool Khaar Se Door Hai Yehi Shama'a Hai Kay Dhuan Nahi

Mein Nisaar Teray Kalaam Per Milee Youn Tou Kiss Ko Zubaan Nahi
Woh Sukhan Hai Jiss Mein Sukhan Na Ho Wo Bayan Hai Jiss Ka Bayan Nahi

Ba Khuda Khuda Ka Yehi Hai Dar Nahi Aur Koi Maffar Maqqar
Jo Waha Say Ho Yaheen Aakay Ho Jo Yahan Nahi Tou Wahan Nahi

Teray Aagay Youn Hain Dabbay Lachay Fusaha Arab Ke Barray Barray
Koi Jaanay Moo Mein Zubaan Nahi Nahi Balkay Jism Mein Jaan Nahi

Sar-e-Arsh Per Hai Teri Guzar Dil-e-Farsh Per Hai Teri Nazar
Malakoot-o-Mulk Mein Koi Shay Nahi Woh Jou Tujh Pe A'ayan Nahi

Karoon Teray Naam Pe Jaan Fida Na Bus Aik Jaan Do Jahaan Fida
Do Jahaan Say Bhi Nahi Jee Bhara Karoon Kiya Karrorro Jahaan Nahi

Karoon Madh-e-Ahle DoAl Raza Parray Iss Balaa Mein Meri Balaa
Mein Gadaa Hoon Apnay Kareem Ka Mera Deen Para-e-Naa Nahi

0

Posted 29 March 2008 - 05:51 AM (#11) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Dum Ba Dum Allah Hu

Kalaam = Nisaar Ali Ujaagar

Allah Hu Allah Hu Dum Ba Dum Allah Hu
Har Jagah Har Ghari Har Qadam Allah Hu

Lamha Lamha Basar Ho Teray Zikar Mein
Zindagi Ka Safar Ho Teray Zikar Mein
Bus Zubaan Naghma Gar Ho Teray Zikar Mein
Dil Mein Roshan Ho Sham'ay Haram Allah Hu

Har Kali Har Samar Lehlahatay Shajar
Chaandni Kehkashaan Noori Shams-O-Qamar
Ye Zameen Ye Falak Balkay Har Khush-O-Tar
Kar Rahay Hain Sana Sub Baham Allah Hu

Azmaton Rif'aton Kay Nishaan Teray Hain
Ae Khuda Ye Zameen Aasmaan Teray Hain
Malik-e-Do Jahaan Ins-o-Jaan Teray Hain
Tou Hamara Hai Aur Teray Hum Allah Hu

Goonjti Hai Sanaa Az Zameen Ta Falak
Wird Jaari Tera Az Zameen Ta Falak
Tal Gayi Har Bala Az Zameen Ta Falak
Jab Kaha Khil Gaye Pech-o-Kham Allah Hu

Iss Ki Qudrat Kiran Dar Kiran Dar Kiran
Iss Ki Nakhat Chaman Dar Chaman Dar Chaman
Iss Ki Midhat Pawan Dar Pawan Dar Pawan
Likh Ujaagar Qalam Ba Qalam Allah Hu

0

Posted 29 March 2008 - 06:13 AM (#12) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

DAR-E-KHWAJA PE SAWALI

Kalaam = Khalil Warsi
Sana Khuwaan = Dr. Nisar Ahmed Ma'arfani

Dar-e-Khwaja Pe Sawali Ko Khara Rehne Do
Sar Nidamat Se Jhuka Hai Tou Jhuka Rehne Do

Mujh Ko Mil Jayega Sadqa Mein Chala Jaonga
Kasa-e-Dil Mera Qadmoon Mein Para Rehne Do

Khud Hee Farmayeingay Mujrim Pe Woh Rehmat Ki Nazar
Mujh Ko Khwaja Ki Adalat Mein Khara Rehne Do

Chor Ke Aap Ka Dar Mein Kahan Jaonga
Iss Gada Ko Issi Saaye Mein Para Rehne Do

Mujhko Karna Na Juda Dar Se Kabhi Khwaja Jee
Dil Jo Deewana Bana Hai Tou Bana Rehne Do

Roz-e-Mehshar Ye Gunaahgaar Ke Kaam Ayega
Warsi Rung Charhra Hai Tou Charhra Rehne Do

Arz Karta Hoon Mein Rozana Ye Khwaja Se Khalil
Apni Rehmat Se Jahan Mera Saja Rehne Do


0

Posted 29 March 2008 - 06:16 AM (#13) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Ho Karam Sarkar

Kalaam = Owais Raza Qadri

Ho Karam Sarkar Ab Tou Ho Gaye Ghum Beshumaar
Jaan-O-Dil Tum Par Fida Ae Do Jahan Ke Taajdar

Mein Akela Aur Masail Zindagi Ke Beshumaar
Aap Hee Kuch Kijiye Na Ae Shah-e-Aali Waqaar

Yaad Aata Hai Tawaaf-e-Khana-e-Ka'aba Mujhe
Aur Lipatna Multazim Se Waalihana Baar Baar

Sung-e-Aswad Choom Kar Milta Mujhe Kaif-O-Suroor
Chayn Paata Dekh Kar Dil Mustajab-O-Mustajab

Gumbad-e-Khizra Ke Jalway Aur Woh Iftariyan
Yaad Aati Hain Bohot Ramzan-e-Taiba Ki Bahaar

Ya RasoolAllah Sunn Lejiye Meri Faryad Ko
Kon Hai Jou Keh Sunnay Tere Siwaa Meri Pukaar

Ghum Zadaa Yoon Na Huwa Hota Ubaid-e-Qadri
Iss Baras Bhi Dekhta Gar Sabz Gumbad Ki Bahar

0

Posted 29 March 2008 - 06:19 AM (#14) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

HUM KO BULANA YA RASOOLALLAH

Kalaam = Nisar Ali Ujagar
Sana Khuwaan = Owais Raza Qadri

Kabhi Tou Sabz Gumbad Ka Ujaala Hum Bhi Dekheingay
Humein Bulwayeingay Aaqa Madina Hum Bhi Dekheingay

Dharak Uthay Ga Dil Ya Dharakna Bhool Jayega
Dil-e-Bismil Ka Uss Dar Per Tamasha Hum Bhi Dekheingay

Adab Se Haath Baandhay Unke Rozay Par Kharay Hoongay
Sonehri Jaliyun Ka Youn Nazara Hum Bhi Dekheingay

Barasti Gumbad-e-Khizra Se Takrati Hui Bundhein
Wahan Par Shan Se Baarish Barasna Hum Bhi Dekheingay

Dar-e-Daulat Se Lautaya Nahin Jaata Koi Khaali
Wahan Khairat Ka Batna Khudaya Hum Bhi Dekheingay

Guzaray Raat Din Apne Issi Umeed Per Hum Ne
Kissi Din Tou Jamal-e-Ruay Zeba Hum Bhi Dekheingay

Dum-e-Rukhsat Qadam Mun Bharke Hain Mehsoos Karte Hain
Kisse Hai Jaake Laut Aanay Ka Yaara Hum Bhi Dekheingay

Pohonch Jayeingay Jiss Din Ae Ujaagar Unke Qadmon Mein
Kisse Kehte Hain Jannat Ka Nazara Hum Bhi Dekheingay


0

Posted 29 March 2008 - 06:21 AM (#15) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Jab Gumbad-e-Khizra Pe Woh

Kalaam = Owais Raza Qadri

Jab Gumbad-e-Khizra Pe Woh Pehli Nazar Gayi
Aankhon Ke Raastay Mere Dil Mein Uttar Gayi

Sar Kham Tha Lab Khamoosh Thay Aankhein Thein Ashkbaar
Ik Sa'at-e-Bedaar Thei Jou Ke Guzar Gayi

Barsi Thei Iss Qadar Ke Naha Sa Gaya Udher
Woh Barish-e-Karam Mere Daaman Ko Bhar Gayi

Taiba Se Lautna Kissi Aashiq Se Poochiye
Aisa Hai Jaisay Rooh Badan Say Guzar Gayi

Jou Keh Sakaa Na Lab Se Mili Woh Murad Bhi
Mere Sukoot Per Bhi Shaha Ki Nazar Gayi

Awaz Ubaid Teri Ba Faizan-e-Naat Hee
Seeno Mein Aashiqan Nabi Kay Utar Gayi

0

Posted 29 March 2008 - 06:29 AM (#16) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

JASHN-E-WILADAT ZINDABAD

Kalaam = Nisar Ali Ujaagar
Sana Khuwaan = Dr. Nisar Ahmed Ma'arfani

Rif'at-e-Subh-e-Sa'adat Zindabad
Marhaba Jashn-e-Wiladat Zindabad

Mu'ajza Hee Mu'ajza Hai Unki Zaat
Shahkar Dast-e-Qudrat Zindabad

Har Tajalli Aapse Zahir Hui
Marhaba Mah-e-Risalat Zindabad

Zindagi Phir Zindagi Lagne Lagi
Jab Keh Aaye Wahdat Zindabad

Kabar-O-Nakhoot Ko Mitaya Aapne
Parcham-e-Ijz-o-Muhabbat Zindabad

Dushman-e-Jaan Per Bhi Saya-e-Karam
Aapki Tanveer Seerat Zindabad

Na'at Unki Ae Ujaagar Likhte Hee
Mujh Mein Utri Hai Mussarat Zindabad

0

Posted 29 March 2008 - 06:37 AM (#17) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Kaabay Kay Dar Kay Saamnay

Kalaam = Syed Nazmi Mian

Ka'abay Kay Dar Kay Saamnay Maangee Hai Ye Dua Faqat
Haathon Mein Hashar Tak Rahay Daaman-e-Mustafa Faqat

Apnay Karam Say Ae Khuda Ishq-e-Rasool Kar Ataa
Aakhree Dum Subaan Pay Ho Sallay A'la Sadaa Faqat

Tayba Kee Sayr Ko Chalein Qadmon Mein Unki Jaan Dein
Duffan Hoon Unkay Shehar Mein Hai Yehee Iltija Faqat

Duniya Kee Saari Ne'ymatein Meri Nazar Mein Hainch Hoon
Rakhnay Ko Sar Pay Gar Milay Na'lein-e-Mustafa Faqat

Munkar Nakeer Qabar Mein Hum Say Sawaal Jab Karein
Aisay Mein Wird Hum Rakhein Aap Kay Naam Ka Faqat

Naza'a Kay Waqt Jab Meri Saanson Mein Intishaar Ho
Meri Nazar Kay Saamnay Gumbad Ho Woh Hara Faqat

Na'at-e-Rasool-e-Paak Hai Nazmi Ka Maqsad-e-Hayaat
Qabr Mein Bhi Laboon Pay Ho Sarkaar Kee Sana Faqat

0

Posted 29 March 2008 - 06:42 AM (#18) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Kaabay Kee Rounaq Kaabay Ka Manzar

Kalaam = Sabeeh Rehmani

Kaabay Kee Rounaq Kaabay Ka Manzar Allaho Akbar Allaho Akbar
Dekhon Tou Dekhay Jaon Barabar Allaho Akbar Allaho Akbar

Hamd-e-Khuda Say Tar Hain Zubaanein Kaano Mein Russ Gholtee Hain Azaanein
Buss Ik Sadaa Aarahi Hai Baraabar Allaho Akbar Allaho Akbar

Teray Haram Kee Kiya Baat Maula Teray Karam Kee Kiya Baat Moula
Taa Umar Karday Aana Muqaddar Allaho Akbar Allaho Akbar

Maangee Hain Mein Nay Jitnee Duain Manzoor Hoongi Maqbool Hoongi
Meezab-e-Rehmat Hay Meray Sar Par Allaho Akbar Allaho Akbar

Yaad Agayein Jab Apni Khatayein Ashkon Mein Dhalnay Lagee Iltijayein
Roya Ghilaaf-e-Ka'aba Pakkar Kar Allaho Akbar Allaho Akbar

Bheja Hai Jannat Say Tujh Ko Khuda Nay Chooma Hai Tujh Ko Khud Mustafa Nay
Ae Sung-e-Aswad Tera Muqqadar Allaho Akbar Allaho Akbar

Maula Sabhi Aur Kiya Chahta Hai Buss Maghfirat Kee Ataa Chahta Hai
Bakhshish Kay Talib Pay Apna Karam Kar Allaho Akbar Allaho Akbar

0

Posted 29 March 2008 - 06:46 AM (#19) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Karay Chaara Saazee Ziyarat Kissee Kee

Kalaam = Hassan Raza Khan

Karay Chaara Saazee Ziyarat Kissee Kee 
Bharay Zakham Dil Kay Malaahat Kisse Kee

Chamak Kar Ye Kehtee Hai Tal'at Kisee Kee
Kay Deedar-e-Haq Hai Ziyarat Kissee Kee

Ajab Pyaree Pyaree Hai Soorat Kisee Kee
Humein Kiya Khuda Ko Hai Ulfat Kisse Kee

Abhee Paar Hoon Doobnay Waalay Beiray
Sahara Lagaday Jo Rehmat Kissee Kee

Kissee Ko Kissee Say Hui Hai Na Hogee
Khuda Ko Hai Jitnee Muhabbat Kissee Kee

Dum-e-Hashar Aasee Mazay Lay Rahay Hain
Shafa'at Kissee Kee Hai Rehmat Kissee Kee

Khuda Ka Diya Hai Teray Paas Sub Kuch
Teray Hotay Kiya Hum Ko Haajat Kisee Kee

Qamar Ik Ishaaray Mein Do Tukray Dekha
Zamanay Pay Roshan Hai Taaqat Kissee Kee

Humein Hain Kissee Kee Shafa'at Kee Khaatir
Humaree Hee Khaatir Hai Shafa'at Kissee Kee

Musibat Zadoon Shaad Ho Tum Keh Unse
Nahi Dekhi Jaati Musibat Kissi Ki

Na Pohonchaygay Jab tak Gunaahgar Un Kay
Na Jaayegi Jannat Mein Ummat Kissi Ki

Khuda Say Dua Hai Keh Hungaam-e-Rukhsat
Zubaan-e-Hassan Par Ho Midhat Kissi Ki

0

Posted 29 March 2008 - 06:50 AM (#20) User is offline   Syed-Tahirain-Ali-Shah 

  • Waxing Crescent
  • PipPip
  • Group: Members
  • Posts: 366
  • Joined: 12-March 08

Chahat Rasool Ki

Kalaam = Owais Raza Qadri

Kyun Kar Na Mere Dil Mein Ho Ulfat Rasool Ki
Jannat Mein Le Kar Jayegi Chahat Rasool Ki

Chalta Hoon Mein Bhi Qaafilon Walon Ruko Zara
Milnay Do Buss Mujhay Bhi Ijazat Rasool Ki

Poochay Jou Deen-O-Iman Nakeerayn Qabr Mein
Uss Waqt Mere Lab Pe Ho Midhat Rasool Ki

Tarpa Ke Unke Qadmon Mein Mujhko Giraday Showk
Jiss Waqt Ho Lehed Mein Ziyarat Rasool Ki

Sarkar Ne Bulakay Madina Dekha Diya
Hogi Mujhe Naseeb Shifa'at Rasool Ki

Ya Rub Dekha De Aaj Ki Shab Jalwa-e-Habeeb
Ik Baar Tou Ata Ho Ziyarat Rasool Ki

Tou Hai Ghulam Unka Ubaid-e-Raza Tere
Mehshar Mein Hogi Saath Himayat Rasool Ki

0

Share this topic:


  • 5 Pages +
  • 1
  • 2
  • 3
  • Last »
  • You cannot start a new topic
  • You cannot reply to this topic

1 User(s) are reading this topic
0 members, 1 guests, 0 anonymous users


Enter your sign in name and password


Sign in options
  Or sign in with these services